Rubiela Velázquez ræktar kaffið sitt hátt yfir sjávarmáli og það er ein af ástæðunum bakvið það flókna bragð sem hún nær úr því. Í þessari hæð er mjög sveiflukennt hitastig milli dags og nætur og hefur það mikil áhrif á hvernig brögðin þróast þegar berin eru að þroskast. Búgarður hennar, La Esmeralda er afar afskekktur og aðeins aðgengilegur fótgangandi eða á hestibaki. Þannig að ár hvert, nýtir hún asna til að flytja uppkeru sína til nærliggjandi vegar þar sem kaffið er síðan ferjað í trukka og selt. Þetta er fjórða uppskeran sem við flytum inn frá Rubielu og þegar við tökum fyrsta sopann er það með hápunktum ársins.
Kaffið hennar Rubielu er flókið í bragði, ljúf og kremuð áferð sem minnir helst á karamellu. Sýrnin minnir á sæta blóðappelsínu og eftirbragðið er tært og sætt. Rubiela heldur áfram að heilla okkur uppúr skónum með sínu frábæra kaffi.
FRAMLEIÐANDI ••••••••••••••••••••••• Rubiela Velázquez
LAND ••••••••••••••••••••••••••••••••• Kólumbía
HÉRAÐ ••••••••••••••••••••• Planadas, Tolima
HÆÐ YFIR SJÁVARMÁLI •••• 1900 metrar
VINNSLA ••••••••••••••••••• Þvegið
AFBRIGÐI •••••••••••••••••• Castillo
UPPSKERUÁR ••••••••••••••••••••••••••• 2019
